Белград, 14 мај 2026. | Локација – Центар за креативни индустрии
Југоисточна Европа и понатаму се соочува со предизвиците на одливот на мозоци, демографските промени и нерамномерниот регионален развој. Сепак, истиот тој регион крие огромен неискористен потенцијал – во знаење, вештини и иновации кои ги носи дијаспората.
Токму на ова е посветен првиот Circular Migration Forum за регионот на Југоисточна Европа, кој се одржува на 14 мај 2026 година во Белград. Форумот го организира организацијата Returning Point, со институционална поддршка на UNDP Србија и кофинансирање од Владата на Шведска. Целта на настанот е да ги окупи сите релевантни актери заинтересирани за потенцијалот на кружните миграции како двигател на локалниот развој и соработката со високостручната дијаспора.
Шанса за Тебе на Форумот
Особено не радува тоа што порталот Шанса за Тебе ќе биде застапен на овој важен регионален собир. Двајца претставници од Центарот за управување со знаење ќе учествуваат на Форумот како дел од гласот на регионот во дијалогот за кружни миграции, дијаспорски ангажман и развој на човечкиот капитал. Ова учество ја потврдува определеноста на Шанса за Тебе активно да придонесува кон градење мостови на пазарите на труд во регионот.
Што е кружна миграција и зошто е важна?
Кружната миграција подразбира редовно, организирано заминување и враќање на работниците меѓу матичната и одредишната земја – со размена на знаење, вештини и капитал во двата правци. За регионот на ЈИЕ, ова не е само миграциска политика, туку развојна стратегија. Наместо да се губи, мозокот циркулира и придонесува кон локалниот напредок.
Кој учествува?
Форумот е наменет за сите актери активно вклучени во областа на миграциите и соработката со дијаспората:
- Организации на граѓанското општество
- Истражувачи и академици
- Креатори на политики и институции
- Меѓународни организации
- Практичари во областа на дијаспорскиот ангажман
- Регионални иницијативи за соработка
Истакнати говорници и учесници
Урош Живковиќ – програмски директор, Returning Point
Оксана Мачиука – меѓународна експертка за човечка мобилност
Д-р Клемент Камај – стручњак за меѓународни миграции, UWS Лондон
Д-р Ана Пантелиќ – извршна директорка, MIT D-Lab
Ива Петровиќ – извршна директорка, Nordic Business Alliance
Дона Костуранова – директорка за Северна Македонија, WFD
Армин Алијагиќ – претседател, Diaspora Business Center БиХ
Александар Јаковљевиќ – основач, Balkan Trek
Д-р Анѓела Мартиновиќ – основачка и истражувачка, EpiSTEMe Hub
Катерина Андреева – основачка, Back to Bulgaria
Сара Овен – раководителка на проект, Crosscare Irish Diaspora Support
Џејсон Мекарти – член на одбор, Irish-Serbian Chamber of Commerce
Даница Јанковиќ – претседничка, Chevening Alumni Association of Serbia
Регионален опфат
Србија · Црна Гора · Босна и Херцеговина · Северна Македонија · Словенија · Хрватска · Бугарија · Романија · Албанија · Грција · Молдавија
Место на одржување
Форумот се одржува во Ложионица – Центар за креативни индустрии, новоотворен центар со меѓународен стандард сместен во историска индустриска зграда во Белград – идеално место за регионален дијалог за мобилност, соработка и развој.
Пријави и контакт
🌐 circularmigrationforum.com
📧
Circular Migration Forum го организира Returning Point, со поддршка на UNDP Србија и Владата на Шведска.
